“ДУЛААНЫ ХОЁРДУГААР ЦАХИЛГААН СТАНЦ” ТӨХК-ИЙГ ХӨДӨЛМӨРИЙН ГАВЬЯАНЫ УЛААН ТУГИЙН ОДОНГООР ШАГНАЛАА

A- A A+


Photo

Монгол Улсын Ерөнхийлөгч У.Хүрэлсүх зарлиг гарган “Дулааны хоёрдугаар цахилгаан станц” ТӨХК-ийг Хөдөлмөрийн гавяъяаны улаан тугийн одонгоор шагнасныг Ерөнхийлөгчийн Тамгын газрын дарга Я.Содбаатар, Эрчим хүчний сайд Н.Тавинбэх нар байгууллагын хамт олонд гардуулан өглөө.

“Дулааны хоёрдугаар цахилгаан станц” ТӨХК 60 жилийн түүхэн замналын хугацаанд эрчим хүчний боловсон хүчний нөөцийг бэлтгэх, техник технологийн дэвшил шинэчлэл, үйлдвэрлэлийн чанар, цар хүрээгээ нэмэгдүүлсэн үзүүлэлтээр эрчим хүчний салбарын хөгжилд түүхэн хувь нэмрээ оруулж, хүлээсэн үүргээ нэр төртэй биелүүлж ирснийг үнэлэн Хөдөлмөрийн гавъяаны улаан тугийн одонгоор шагнууллаа.

Эрчим хүчний сайд Н.Тавинбэх “Цахилгаан дулааны эрчим хүчний өсөн нэмэгдэж буй хэрэгцээг найдвартай хангаж, техник технологийн шинэчлэл, эдийн засгийн үр ашгийг тасралтгүй дээшлүүлж, улс эх орныхоо өмнө хүлээсэн үүргээ амжилттай гүйцэтгэж ирсэн тус байгууллагын үе, үеийн ажилтан, албан хаагч, инженер техникийн ажилчднуудын хичээл зүтгэлийг үнэлж Монгол Улсын Ерөнхийлөгчийн зарлигаар  танай хамт олныг “ХӨДӨЛМӨРИЙН ГАВЬЯАНЫ УЛААН ТУГИЙН ОДОН”-гоор шагнасныг тохиолдуулан өөрийн болон Эрчим хүчний яамны хамт олны өмнөөс та бүхэнд улс орон, ард түмнээ илч гэрлээр хангах ариун үйлсээ нэр төртэй биелүүлж, ажлын өндөр амжилт гаргахыг хүсэн ерөөе.Монгол Улсын гал голомт болсон эрчим хүчний салбар  хөгжин дэвжих болтугай” гэлээ. 

Толгойтын цахилгаан станцыг 1958 оны 12-р сарын 29-нд БНМАУ ба БНХАУ-ын Засгийн газар хооронд байгуулсан гэрээний дагуу барьж байгуулах ажил 1960 оны 3-р сараас эхэлж, 1961 оны 12-р сарын 26-ны өдрийн 19:20 минутад залгаж Толгойтын мах комбинат, Тоосгон заводод  анхны цахилгаан гүйдлийг  өгчээ. БНХАУ-ын зээл тусламжаар 18 сарын дотор барьсан бөгөөд 1961 оны 12-р сарын 28-ны өдөр уг станцыг хүлээн авах комиссын даргаар БНМАУ-ын АҮЯ-ны сайд П.Дамдин, комиссын орлогч бөгөөд ажлын группийн даргаар Ардын их хурлын депутат, цахилгаан ашиглалт монтажийн газрын ерөнхий инженер Я.Намсрай нар ажилласан байдаг.

“Дулааны II цахилгаан станц” ТӨХК нь нийслэлийн ард иргэд, аж ахуйн нэгж байгууллагуудыг цахилгаан дулааны эрчим хүчээр тасралтгүй, найдвартай хангах үүргээ 60 жилийн хугацаанд нийтдээ 6 тэрбум 272 сая/квт цахилгаан эрчим хүч боловсруулж, 5 тэрбум 122 сая/квт цахилгаан эрчим хүч, 11203 мян.Гкал дулааны эрчим хүчийг үйлдвэрлэж системд нийлүүлжээ.  

Өдгөө Улаанбаатар хотын өсөн нэмэгдэж буй цахилгаан дулааны хэрэгцээ шаардлага, хөгжлийн чиг хандлагын амин чухал эх үүсвэрийг бий болгож, техник технологийн шинэчлэл хийх замаар станцын найдвартай, тасралтгүй ажиллагааг хангахын зэрэгцээ 300 МВт-ын станц барих техник, эдийн зэсгийн үзүүлэлт /ТЭЗҮ/-ийг боловсруулж, хөрөнгө оруулалтыг шийдвэрлэхээр зорин ажиллаж байна.

Мэдээний төрөл: Мэдээ мэдээлэл

Сэтгэгдэл бичих

Сэтгэгдэл

Салбарын үйлдвэр компаниуд
  • Монгол улсын эрчим хүчний зохицуулах хороо
  • Багануурын дулааны станц
  • Даланзадгадын дулааны цахилгаан станц
  • Цахилгаан дамжуулах үндэсний сүлжээ
  • Дархан сэлэнгийн цахилгаан түгээх сүлжээ
  • Улаанбаатар дулааны сүлжээ
  • Дорнод бүсийн эрчим хүчний систем
  • Эрдэнэт булганы цахилгаан түгээх сүлжээ
  • Дулааны гуравдугаар цахилгаан станц
  • Эрдэнэтийн дулааны цахилгаан станц
  • Налайхын дулааны станц
  • Сэргээгдэх эрчим хүчний үндэсний төв
  • Дулааны хоёрдугаар цахилгаан станц
  • Дулааны дөрөвдүгээр цахилгаан станц
  • Улаанбаатар цахилгаан түгээх сүлжээ
  • Диспетчерийн үндэсний төв ХХК
  • Алтай улиастайн эрчим хүчний систем
  • Багануур зүүн өмнөд бүсийн цахилгаан түгээх сүлжээ
  • Баруун бүсийн эрчим хүчний систем
  • Дарханы дулааны цахилгаан станц
  • Өмнөд бүсийн цахилгаан түгээх сүлжээ
  • Эрчим хүчний хөгжлийн төв
  • Эрчим хүчний эдийн засгийн хүрээлэн
  • Амгалан дулааны станц
  • Дулаан шарын гол
  • Баянхонгор эрчим хүч
  • Хөвсгөл эрчим хүч
  • Дархан дулааны сүлжээ