Эрчим хүчний сайд П.Ганхүү Сүхбаатар дүүрэгт ажиллав

A- A A+


Photo

Монгол Улсын Ерөнхий сайдын өгсөн үүргийн дагуу Засгийн газрын гишүүд нийслэлд ажиллаж байна. Энэ хүрээнд Эрчим хүчний сайд П.Ганхүү өчигдөр Сүхбаатар дүүрэгт ажиллаж,  Засгийн газрын үйл ажиллагаа, шийдвэрийн хэрэгжилттэй танилцсан юм. Мөн дүүргийн тулгамдсан асуудлуудыг сонсож, нэн тэргүүнд шийдвэрлэх шаардлагатай ажлуудын талаар мэдээлэл авсан юм.

Сүхбаатар дүүргийн ЗДТГ-ын дарга Н. Энхболд хэлэхдээ “Манай дүүрэг нийт 20 хороотой. Цахилгааны шөнийн тариф тэглэсэнтэй холбоотойгоор 15 – 20 дугаар хороонд хүчдэлийн уналт ихэссэн бөгөөд 255 өрх айл тог цахилгаангүй байна. Харин дулааны хувьд хүндрэл, ачаалал багатай, хэвийн байна” гэв. 

Ажлын хэсэг дараа нь Сүхбаатар дүүргийн 19 дүгээр хороо, Шаргаморьтын зусланд байрлах “Агаарын 555 дугаар станц”-д очиж ажиллав. Энэ орчимд нийт 256 өрх айл хамаардаг бөгөөд хүчдэлийн уналт ихтэй бүсэд ордог аж.  

2017 онд ЭХЯ-ны зүгээс хүчдэлийн уналттай болон эрчим хүчинд холбогдоогүй айл өрхүүдийг тог цахилгаанд холбож, шинэчлэхээр нийт 41 багц ажлыг төлөвлөөд байгаа. Энэ дунд “Агаарын 555 дугаар станц” орчмын 260 орчим айл өрх багтсан гэдгийг ЭХЯ-ны Бодлогын хэрэгжилтийг зохицуулах газрын дарга Б.Насантогтох хэллээ.

  

Монгол Улсын Засгийн газар, Эрчим хүчний яамнаас хийж хэрэгжүүлэхээр төлөвлөсөн 41 багц ажлын хүрээнд нийт 5814 өрх айлыг цахилгаан эрчим хүчээр хангах юм. Тавдугаар сараас бүтээн байгуулалт, шинэчлэлийн ажлыг эхлүүлэхээр товлоод байна.  

Мэдээний төрөл: Мэдээ мэдээлэл

Сэтгэгдэл бичих

Сэтгэгдэл

Салбарын үйлдвэр компаниуд
  • Монгол улсын эрчим хүчний зохицуулах хороо
  • Багануурын дулааны станц
  • Даланзадгадын дулааны цахилгаан станц
  • Цахилгаан дамжуулах үндэсний сүлжээ
  • Дархан сэлэнгийн цахилгаан түгээх сүлжээ
  • Улаанбаатар дулааны сүлжээ
  • Дорнод бүсийн эрчим хүчний систем
  • Эрдэнэт булганы цахилгаан түгээх сүлжээ
  • Дулааны гуравдугаар цахилгаан станц
  • Эрдэнэтийн дулааны цахилгаан станц
  • Налайхын дулааны станц
  • Сэргээгдэх эрчим хүчний үндэсний төв
  • Дулааны хоёрдугаар цахилгаан станц
  • Дулааны дөрөвдүгээр цахилгаан станц
  • Улаанбаатар цахилгаан түгээх сүлжээ
  • Диспетчерийн үндэсний төв ХХК
  • Алтай улиастайн эрчим хүчний систем
  • Багануур зүүн өмнөд бүсийн цахилгаан түгээх сүлжээ
  • Баруун бүсийн эрчим хүчний систем
  • Дарханы дулааны цахилгаан станц
  • Өмнөд бүсийн цахилгаан түгээх сүлжээ
  • Эрчим хүчний хөгжлийн төв
  • Эрчим хүчний эдийн засгийн хүрээлэн
  • Амгалан дулааны станц
  • Дулаан шарын гол
  • Баянхонгор эрчим хүч
  • Хөвсгөл эрчим хүч