Мэндчилгээ
Монгол улсын хөгжлийн буухиаг хөтөлж, эх орны гал голомт болсон Эрчим хүчний салбарын их түүхийг бичилцэж яваа ахмад буурлууд та бүхэндээ “Олон улсын ахмадын баяр”-ын мэндийг өргөн дэвшүүлж, талархал илэрхийлье.
Эх орныхоо хөгжил дэвшлийн төлөө залуу нас, эрдэм мэдлэг, хөлс хүчээ зориулан зүтгэсэн ахмадуудын ариун үйлс түүчээлж, Эрчим хүчний салбарын хамт олны дундаас 9 хөдөлмөрийн баатар, 64 аж үйлдвэрийн гавъяат ажилтан төрсөн. Түүхт 95 жилийн ойн босгонд отгон Хөдөлмөрийн баатар ПДамдинг хүлээн авч, Аж үйлдвэрийн гавъяат ажилтан цолоор Г.Түвшин, Г.Туяахүү, Н.Энэбиш, О.Ганбаатар, Ч.Баттуяа, Р.Хайдав, В.Даваажав нар энгэрээ мялаан, ирээдүй хойч үеийнхээ бахархал түүх болон бичигдэж байна.
Монгол орны гал голомтыг мөнхөд бадрааж, илч гэрлээр тасралтгүй найдвартай хангах их үйлсэд хичээнгүйлэн зүтгэж ирсэн ахмадууд та бүхэндээ эрүүл энх, сайн сайхан бүхнийг хүсэн ерөөж, эх орны төлөөх ариун үйлс тань мөнхөд дэлгэрэхийн ерөөл өргөе.
Сэтгэгдэл