Ц.Даваасүрэн: “21000 өрх цахилгаан халаагуур хэрэглэх техникийн боломжийг бүрдүүлнэ”

A- A A+


Photo

Эрчим хүчний сайд Ц.Даваасүрэн өчигдөр (2017.11.13)Сонгинохайрхан дүүрэгт ажиллалаа. Улаанбаатар хотын гэр хорооллын хүчдэлийн уналттай болон шинэ суурьшлын бүсийн айл өрхийг цахилгаан эрчим хүчээр хангах ажлын хүрээнд 2017 оны Улсын төсвийн хөрөнгө оруулалтаар тус дүүрэгт хийгдсэн дэд өртөө, агаарын шугамын барилга угсралтын ажилтай газар дээр танилцлаа. Улсын төсвийн хөрөнгө оруулалтаар Сонгинохайрхан, Хан-Уул, Баянзүрх, Чингэлтэй, Баянгол, Сүхбаатар дүүргийн 40 хороонд  63 дэд өртөө, 10 кВ-ын 19.5 км агаарын шугам, 10 кВ-ын 9.2 км кабель шугам, 0.4 кВ-ын 114.5 км агаарын шугамын барилга угсралтын ажлыг хийж гүйцэтгэн ашиглалтад оруулаад байна. Дээрхи ажлын хүрээнд 6 дүүргийн 6,000 орчим айл өрх цахилгаан эрчим хүчинд холбогдох техникийн боломж бүрдэж айл өрхүүд цахилгаан эрчим хүчтэй болж байна.

Сонгинохайрхан дүүрэгт хөдөө орон нутгаас шилжин ирэх айл өрх өдөр өдрөөр нэмэгдэж, суурьшлын бүс тэлэхийн хэрээр алслагдсан хороодод цахилгаан шугам хүрэх боломжгүй болжээ. Тус хорооны айл өрхүүд хамгийн багадаа 3-5 жил гэрэл, цахилгаангүй байсан бөгөөд оршин суугч Б.Батноровынх гэхэд есөн жилийн өмнөөс энд суурьшжээ. Ирсэн даруйдаа шалны халаалттай шинэ байшин барьсан ч тог, цахилгаангүйгээс гэр барьж амьдарч байсан гэнэ. Харин тог цахилгаанд холбогдсоноор тав тухтай орчин бүрдэж, шалныхаа халаалтыг ажиллуулаад байшиндаа амьдрах боломж бүрдсэнийг ярьж байна. 

Эрчим хүчний  сайд Ц.Даваасүрэнхэлэхдээ “Өнөөдөр бид Сонгинохайрхан дүүрэгт холбосон дэд өртөөг хүлээж авлаа. Энэ ондоо багтаан Улсын төсвийн 2017 оны тодотголоор Нийслэлийн агаарын бохирдолтой бүсэд байрлах гэр хорооллын 23 хорооны 21,362 айл өрхийг 4 кВт-ын чадалтай цахилгаан халаагуур хэрэглэх техникийн боломж бүрдүүлэх, 20 агаарын шугамын ачааллыг хөнгөлөх, 11 агаарын шугамын утасны нэвтрүүлэх чадварыг дээшлүүлэх, мөн цахилгаан эрчим хүчгүй болон хүчдэлийн уналттай 4198 айл өрхийн цахилгаан хангамжийг шинээр шийдвэрлэнэ. Айл өрхүүдийг цахилгаан эрчим хүчинд холбохоос гадна Нийслэлийн агаарын бохирдлыг бууруулах ажлын хүрээнд нийслэлд одоо ажиллаж байгаа 68 халаалтын зуухыг зогсоож хэрэглэгчдийг нь  төвлөрсөн дулаан хангамжид холбоно. Нийслэлд одоогийн байдлаар 200 гаруй халаалтын зуух байна.Эдгээрийг ирэх хоёр жилийн хугацаанд шат дараалтайгаар төвлөрсөн дулаан хангамжид холбоно. Ингэснээр агаарын бохирдлыгбууруулахад хувь нэмэр болно гэж үзэж байна. Дээрхи ажлуудыг гүйцэтгэхэд шаардлагатай 50 гаруй тэрбум төгрөгийн санхүүжилтийг төсөвт суулгасан бөгөөд энэ ондоо багтаан гүйцэтгэхээр манай салбарынхан зүтгэж ажиллана.” гэв.

Мэдээний төрөл: Мэдээ мэдээлэл

Сэтгэгдэл бичих

Сэтгэгдэл

Салбарын үйлдвэр компаниуд
  • Монгол улсын эрчим хүчний зохицуулах хороо
  • Багануурын дулааны станц
  • Даланзадгадын дулааны цахилгаан станц
  • Цахилгаан дамжуулах үндэсний сүлжээ
  • Дархан сэлэнгийн цахилгаан түгээх сүлжээ
  • Улаанбаатар дулааны сүлжээ
  • Дорнод бүсийн эрчим хүчний систем
  • Эрдэнэт булганы цахилгаан түгээх сүлжээ
  • Дулааны гуравдугаар цахилгаан станц
  • Эрдэнэтийн дулааны цахилгаан станц
  • Налайхын дулааны станц
  • Сэргээгдэх эрчим хүчний үндэсний төв
  • Дулааны хоёрдугаар цахилгаан станц
  • Дулааны дөрөвдүгээр цахилгаан станц
  • Улаанбаатар цахилгаан түгээх сүлжээ
  • Диспетчерийн үндэсний төв ХХК
  • Алтай улиастайн эрчим хүчний систем
  • Багануур зүүн өмнөд бүсийн цахилгаан түгээх сүлжээ
  • Баруун бүсийн эрчим хүчний систем
  • Дарханы дулааны цахилгаан станц
  • Өмнөд бүсийн цахилгаан түгээх сүлжээ
  • Эрчим хүчний хөгжлийн төв
  • Эрчим хүчний эдийн засгийн хүрээлэн
  • Амгалан дулааны станц
  • Дулаан шарын гол
  • Баянхонгор эрчим хүч
  • Хөвсгөл эрчим хүч
  • Дархан дулааны сүлжээ