АЗИ НОМХОН ДАЛАЙН БҮСИЙН СЭРГЭЭГДЭХ ЭРЧИМ ХҮЧНИЙ VIII ФОРУМ НЭЭЛТЭЭ ХИЙЛЭЭ

A- A A+


Photo

Ази Номхон Далайн Бүсийн Сэргээгдэх Эрчим Хүчнийфорумыг 2011 оноос БНСУ-ын “Шинэ, Сэргээгдэх эрчим хүчний хүрээлэн”-гээс санаачлан зохион байгуулж байгаа бөгөөд бүс нутгийн сэргээгдэх эрчим хүчний хөгжил, хэтийн төлөв, тулгарч буй саад бэрхшээлийг арилгах, шинэ дэвшилтэт техник технологийг нэвтрүүлэх, сэргээгдэх эрчим хүчний мэргэжилтнүүдийг сургах, маркетинг, менежментийг сайжруулах зэрэг олон сэдвийн хүрээнд зохион байгуулсаар ирсэн уламжлалтай.

Найм дахь удаагийн форумыг Монгол Улс анх удаа наймдугаар сарын 22-24-ний өдрүүдэд хүлээн авч байна.Форумыг Эрчим Хүчний Яам болон Байгаль Орчин Аялал Жуулчлалын Яамны дэмжлэгтэйгээр БНСУ-ын “Шинэ, Сэргээгдэх эрчим хүчний хүрээлэн”, “ БНСУ-ын “Эрчим Хүчний Судалгааны Хүрээлэн”, Монгол Улсын Эрчим Хүчний Зохицуулах Хороо, “Азийн Супер Сүлжээ Монголын нийгэмлэг” ТББ, Монгол Улсын Их Сургууль зэрэг байгууллагууд хамтран зохион байгуулж байна.

Форумыг нээж Эрчим хүчний сайд Ц.Даваасүрэн “Дэлхийн оршин суугчдын өмнө эрчим хүчний шилжилтийн асуудал тулгамдаж байна. Хүн төрөлхтөн өнгөрөгч зуунд нүүрстөрөгчийн түлшний үйлдвэрлэлийг хөгжүүлсэн. Нүүрстөрөгчийн түлшийг их хэмжээгээр хэрэглэснээр байгаль орчныг бохирдуулж, уур амьсгалын өөрчлөлтөд нөлөөлж байна. Эрчим хүчийг байгаль орчинд ээлтэй байдлаар үйлдвэрлэн гаргах нэг хувилбар бол сэргээгдэх эрчим хүчийг ашиглах явдал юм. Гэвч Монгол Улсад сэргээгдэх эрчим хүчийг ашиглахад хоёр асуудал тулгараад байна. Нэгдүгээрт, сэргээгдэх эрчим хүч тогтвортой бус учраас манай системийн горим тохиргоо, эрчим хүчний найдвартай аюулгүй ажиллагаанд нөлөөлдөг. Хоёрдугаарт, Сэргээгдэх эрчим хүчний тухай хуулийн дагуу үнэ тариф нь харьцангуй өндөр. Тиймээс энэ хүндрэлийг арилгах, хууль эрхзүйн орчинг сайжруулахаар бид ажиллаж, тооцоо судалгаа хийж байна. Сэргээгдэх эрчим хүчийг ашиглах боломж бүрэн бий. Үүнийг бид зөвхөн дотооддоо ашиглах биш хөрш орнууд, бүс нутгийн орнуудтайгаа хамтран ашиглах шаардлагатай” гэв. Тэрбээр үргэлжлүүлэн Азийн супер сүлжээний хүрээнд манай орны нөөцийг ашиглах талаар олон улсын хэмжээнд яригдах болсон. Хэрвээ бид азийн супер сүлжээ олон олон улсын төслийг хэрэгжүүлж чадах юм бол зүүн хойд азийн Солонгос, Япон зэрэг орнууд руу нар салхины эрчим хүчийг экспортлох боломжтой. Энэ чиглэлээр тодорхой санаачилгыг өрнүүлээд байгаа талаар хэлж байсан юм.

Монгол Улсад анх удаа зохион байгуулагдаж байгаа Ази Номхон Далайн Бүсийн Сэргээгдэх Эрчим Хүчний 8-р форумын үеэр сэргээгдэх эрчим хүчний хөгжлийн төлвийг  хэлэлцэж, эрчим хүчний хэмнэлт, эрчим хүчний хадгалалтын системийг нэвтрүүлэх, Азийн супер сүлжээг байгуулах чиглэлээр ярилцана. 

Энэ удаагийн форумын үндсэн илтгэгчээр БНСУ-ын Силла Их Сургуулийн профессор Jonsoo Song, Эрчим хүчний яамны сэргээгдэх эрчим хүчний хэлтсийн дарга О.Бавуудорж нар ажиллах юм. 

Монгол Улсын хувьд нар салхины эрчим хүчний арвин их нөөцтэй. Байгаль орчинд ээлтэй цэвэр эрчим хүч үйлдвэрлэх, үйлдвэрлэсэн эрчим хүчээ Азийн бусад орон руу экспортлох, эрчим хүчний нэгдсэн сүлжээ байгуулах, сэргээгдэх эрчим хүчний хуримтлуурыг нэвтрүүлэхийг зорьж байгаа бөгөөдАзи Номхон Далайн Бүсийн Сэргээгдэх Эрчим Хүчний 8-р форумын үеэр дээрх асуудлуудыг хэлэлцэх юм байна.

Форумд   Монгол Улс, БНХАУ, ХБНГУ, БНСУ,  Шриланк, Ирак,  Япон, Бутан  зэрэг Зүүн хойд Азийн орнуудын эрчим хүчний судалгааны хүрээлэн, эрдэмтэд судлаачид болоод гадаад, дотоодын хувийн хэвшлийн байгууллагуудын 150 гаруй төлөөлөгч оролцож байна.

Мэдээний төрөл: Мэдээ мэдээлэл

Сэтгэгдэл бичих

Сэтгэгдэл

Салбарын үйлдвэр компаниуд
  • Монгол улсын эрчим хүчний зохицуулах хороо
  • Багануурын дулааны станц
  • Даланзадгадын дулааны цахилгаан станц
  • Цахилгаан дамжуулах үндэсний сүлжээ
  • Дархан сэлэнгийн цахилгаан түгээх сүлжээ
  • Улаанбаатар дулааны сүлжээ
  • Дорнод бүсийн эрчим хүчний систем
  • Эрдэнэт булганы цахилгаан түгээх сүлжээ
  • Дулааны гуравдугаар цахилгаан станц
  • Эрдэнэтийн дулааны цахилгаан станц
  • Налайхын дулааны станц
  • Сэргээгдэх эрчим хүчний үндэсний төв
  • Дулааны хоёрдугаар цахилгаан станц
  • Дулааны дөрөвдүгээр цахилгаан станц
  • Улаанбаатар цахилгаан түгээх сүлжээ
  • Диспетчерийн үндэсний төв ХХК
  • Алтай улиастайн эрчим хүчний систем
  • Багануур зүүн өмнөд бүсийн цахилгаан түгээх сүлжээ
  • Баруун бүсийн эрчим хүчний систем
  • Дарханы дулааны цахилгаан станц
  • Өмнөд бүсийн цахилгаан түгээх сүлжээ
  • Эрчим хүчний хөгжлийн төв
  • Эрчим хүчний эдийн засгийн хүрээлэн
  • Амгалан дулааны станц
  • Дулаан шарын гол
  • Баянхонгор эрчим хүч
  • Хөвсгөл эрчим хүч
  • Дархан дулааны сүлжээ