“ЭРДЭНЭБҮРЭНГИЙН УСАН ЦАХИЛГААН СТАНЦ ТӨСӨЛ”-ИЙН ЗАРИМ АЖИЛТНУУДЫГ НЭЭЛТТЭЙ СОНГОН ШАЛГАРУУЛАХ ЗАР

1. Төслийн менежер - 1

Ажлын хамрах хүрээ

Төслийн зохицуулагчийн удирдлага дор төслийн өдөр тутмын үйл ажиллагааг гүйцэтгэх, төлөвлөгөө хэрэгжилтийг хангах, тайлан мэдээллийг нэгтгэн боловсруулах, гүйцэтгэгч байгууллагуудын үйл ажиллагаанд хяналт тавих замаар төслийг батлагдсан хугацаа, төсөвт багтаан хэрэгжүүлэхэд дэмжлэг үзүүлэх Төсөл хэрэгжүүлэх нэгжид санхүү, НББ-ийн удирдлагын системийг нэвтрүүлж, ашиглана.

• Төслийн жилийн болон улирлын төлөвлөгөөний төсөл боловсруулах
• Хэрэгжилтийн явцын төлөвлөгөө, график шинэчлэх
• Хурал, уулзалт зохион байгуулах, протокол хөтлөх
• Барилга угсралт, ханган нийлүүлэлт, үйлчилгээний гүйцэтгэлд хяналт тавих
• Гүйцэтгэгчдийн тайланг хянаж нэгтгэх
• Илэрсэн зөрчил, эрсдэлийн талаар зохицуулагчид танилцуулах
• Сар, улирал, жилийн тайлангийн төсөл боловсруулах
• Төсвийн гүйцэтгэлийн мэдээлэл нэгтгэх
• Яам, удирдах хороонд хүргүүлэх баримт бичиг бэлтгэх

Ажлын байранд тавигдах шаардлага

Боловсрол: Дээд боловсролтой, магистр болон түүнээс дээш зэрэгтэй

Мэргэжил:

• Цахилгаан автоматжуулалтын инженер, менежмент удирдлага
• Зөвлөх инженер

Туршлага: Төсөлд ажиллаж байсан туршлагатай. Төрийн байгууллагад удирдах албан тушаал эрхэлж байсан бол давуу тал болно.

Ур чадвар:

• Төлөвлөгөө гаргах, тайлан боловсруулах, багаар ажиллах манлайлах, удирдлагаас өгсөн үүрэг даалгаврыг цаг тухай бүрд нь гүйцэтгэх.
• Удирдлагын өндөр хариуцлагатай, ёс зүй ашиг сонирхлоос ангид байх, Асуудлыг системтэй, бүтэцтэйгээр шийдвэрлэх сэтгэлгээтэй, зөрчил маргааныг эв зүйгээр шийдвэрлэх эрмэлзэлтэй.           

Тусгай шаардлага:

• Англи хэлний ахисан түвшний мэдлэгтэй байх.
• Хувийн болон албаны нууцыг хадгалах

2. Орон нутаг хариуцсан менежер - 1

Төслийн хэрэгжилтийг орон нутаг дах үйл ажиллагааг нэгдсэн удирдлага, стратеги, бодлогын түвшинд зохион байгуулалтын нэгдсэн бодлогоор хангах, талбайд ажиллаж буй инженер, техникийн болон гүйцэтгэгчийн ажилтнуудын уялдаа холбоог хангах, тэдгээрийн тасралтгүй ажиллагааг хангах орчныг бүрдүүлэх. Орон нутгийн захиргаа, хяналтын байгууллага, иргэдийн оролцоотой харилцааг удирдан зохицуулах замаар төслийн хэрэгжилтийн эрсдэлийг бууруулах. Гүйцэтгэгч компанийн удирдлагыг үнэн зөв мэдээллээр хангах замаар төслийн ажлыг саадгүй, шуурхай, үр ашигтай удирдлагыг хэрэгжүүлэн ажиллах.

• Орон нутгийн үйл ажиллагааны стратеги ба бодлого
• Инженер техникийн багийн үйл ажиллагаанд стратегийн дэмжлэг
• Орон нутгийн захиргаа, хяналтын байгууллагатай харилцах
• Орон нутгийн үйл дунд болон богино хугацааны төлөвлөгөө батлах
• Хүний нөөц, санхүү, логистикийн зохион байгуулалтын бодлого хэрэгжүүлэх
• Эрсдэлийн удирдлагын төлөвлөгөө боловсруулах
• Төслийн нэр хүнд, олон нийтийн ойлголтыг хамгаалах бодлого хэрэгжүүлэх
• Инженер, ажилтны ажлын саад бэрхшээлийг удирдлагын түвшинд шийдвэрлэх
• Тээвэр, импорт, гаалийн бүрдүүлэлт, НӨАТ-ын хөнгөлөлт, чөлөөлөлтийн процессыг стратегийн түвшинд хянах 3.Зөвшөөрөл, дүгнэлт, хяналт үнэлгээний процессыг удирдах
• Зөвшөөрөл, дүгнэлт, хяналт үнэлгээний процессыг удирдах
• Орон нутагт явуулах үйл ажиллагаанд төслийн нэгжийг төлөөлөн оролцох
• Орон нутгийн асуудлаар байр суурь илэрхийлэх
• Шууд удирдлагын зөвшөөрлөөр хэлэлцээр хийх

Ажлын байранд тавигдах шаардлага

Боловсрол: Магистр ба түүнээс дээш.

Мэргэжил: Бизнесийн менежмент, Эрх зүйч төрийн удирдлага мэргэжилтэй байх.

Туршлага: Удирдах албан тушаалд 5-аас доошгүй жил ажилласан Орон нутгийн  захиргааны байгууллагад хамтран ажиллах.

Ур чадвар:

• Стратеги төлөвлөлт хийх
• Эрсдэлийн удирдлага
• Хэлэлцээр хийх өндөр чадвар
• Баг удирдах манлайлал

Тусгай шаардлага:

• Удирдлагын өндөр хариуцлагатай, ёс зүй ашиг сонирхлоос ангид байх  
• Асуудлыг системтэй, бүтэцтэйгээр шийдвэрлэх сэтгэлгээ 
• Зөрчил маргааныг эв зүйгээр шийдвэрлэх

3. Гадаад хэлний орчуулагч, архив, бичиг хэрэг, дотоод асуудал хариуцсан ажилтан – 1

Төслийн нэгжийн гадаад, дотоод харилцаанд монгол- англи хэлний бичгийн орчуулгыг гүйцэтгэх, төслийн өдөр тутмын албан бичиг, гэрээ, техникийн баримт бичгийн бүрдүүлэлт, архивлах, хадгалалт, баримт бичгийн эргэлтийг стандартын дагуу зохион байгуулах

• Гүйцэтгэгчтэй харилцах албан ёсны гэрээ, хэлэлцээр, баримт бичиг,тайлан, албан бичгийн орчуулга хийх
• Төслийн өдөр тутмын баримт бичгийг стандартын дагуу хөтлөх   
• Архивын хадгалалт, нууцлал, хамгаалалтыг хууль тогтоомжийн дагуу хангах
• Төслийн гэрээ, хэлэлцээр, техникийн баримт бичиг, тайлан, албан бичгийг монгол-англи, англи монгол хэлээр орчуулах
• Техникийн болон хууль эрх зүйн нэр томьёоны нэгдмэл байдлыг хангах
• Орчуулгын чанар, үнэн зөв байдлыг баталгаажуулах
• Төсөлд ирсэн, явуулсан бичиг баримтын шийдвэрлэлт, бүртгэлээр болон хяналтын карт, системээр хяналт тавих
• Хэвлэмэл хуудасны захиалга, ашиглалт, зарцуулалтыг бүртгэж, тайлан мэдээ гарган, шаардлагатай хэвлэлийн захиалга, шуудан хүргэлтийг хариуцах
• Баримт бичиг боловсруулах, хурал,уулзалтын тэмдэглэл хөтлөх, албажуулах, удирдлагад танилцуулах
• Хариутай бичгийг цаг алдалгүй, шийдвэрлэх, хариуг уламжлах, цаг үеийн шаардлагаар өгөгдсөн үүрэг даалгаврыг хэрэгжүүлэх, тайлагнах
• Бичиг хэргийн нууцлалыг хангаж, хадгалалтын нөхцөлийг стандартын хэмжээнд хэвшүүлэх
• Архивын нэгж үүсгэн, албан хэрэг, хөтлөлтийг стандартын хэмжээнд хөтлөх

Ажлын байранд тавигдах шаардлага

Боловсрол: Бакалавр ба түүнээс дээш, магистр бол давуу тал болно

Мэргэжил: Гадаад хэлний орчуулга /023101/ орчуулагч,  Эрх зүйч, Олон улсын харилцаа.

Туршлага: Мэргэжлээрээ 2-аас доошгүй жил ажилласан байх, Томоохон төсөлд ажиллаж байсан бол давуу тал болно.

Тусгай шаардлага:

• Дэд бүтцийн чиглэлээр мэргэшсэн инженер байх.
• Англи хэлний ахисан түвшний мэдлэгтэй байх
• Илүү цагаар ажиллах, ачаалал даах чадвартай байх
• Олон улсын санхүүжилтээр хэрэгжүүлсэн төсөл хөтөлбөрт ажилласан бол давуу тал болно

Ур чадвар: Англи хэлний бичгийн орчуулгын дундаас дээш түвшний мэдлэгтэй Техникийн болон гэрээний баримт бичиг орчуулж байсан туршлагатай Албан бичиг хэрэг, архивын стандарт мэддэг Компьютерын хэрэглээний программын өндөр мэдлэгтэй.

ОРОЛЦОГЧДОД ШААРДАГДАХ БАРИМТ БИЧИГ:

Нээлттэй сонгон шалгаруулалтад оролцогч нь дараах баримтыг бүрдүүлж ирүүлнэ. Үүнд:

• Хүсэлт;

• Анкет /Төрийн албан хаагчийн анкет Маягт №1/-ийн дагуу бүрэн бөглөсөн байх;

• Товч намтар;

• Иргэний үнэмлэхийн хуулбар (E-mongolia цахим системээс);

• Боловсролын диплом, гэрчилгээний баталгаажуулсан хуулбар;

• Мэргэшлийн үнэмлэхийн баталгаажуулсан хуулбар;

• Ажилласан хугацаа болон ажил эрхлэлтийг гэрчлэх баримт, ажил олгогчийн тодорхойлолт /Ажил эрхэлсэн хугацааны нийгмийн даатгалын лавлагааг E-mongolia цахим системээс татаж ирүүлэх, шаардлагатай бол хөдөлмөрийн дэвтрийн хуулбар/;

Санамж: Хэрэв дээрх баримт бичгийн аль нэг нь байхгүй болон шаардлагад нийцүүлж ирүүлээгүй тохиолдолд сонгон шалгаруулалтын материалын бүрдэл дутуу гэж үзэн тэнцээгүйд тооцно.

Дээрх шаардлагыг хангасан сонирхогч этгээд шаардлагатай баримт бичгийг дараах хаягт дугтуйлж, битүүмжилж ирүүлнэ үү.

Улаанбаатар – 17040, Хан-Уул дүүрэг, 3-р хороо, Чингисийн өргөн чөлөө, Засгийн газрын XIV байр, Эрчим хүчний яам, Санхүү, хөрөнгө оруулалтын газар Утас: 267072

Баримт бичиг ирүүлэх хугацаа: 2026 оны 04 дүгээр сарын 07-ны 10:00 цагаас өмнө ирүүлнэ.

---оОо---