СЭРГЭЭГДЭХ ЭРЧИМ ХҮЧНИЙ ТӨСЛИЙН ӨРСӨЛДӨӨНТ СОНГОН ШАЛГАРУУЛАЛТАД ОРОЛЦОХ УРИЛГА

Монгол Улсын Эрчим хүчний яам нь Төвийн бүсийн нэгдсэн сүлжээний 5 байршилд нийт 220 МВт-ын нарны цахилгаан станц болон 135 МВт / 440 МВт.ц батарей хуримтлуурын систем бүхий төслүүдийн “бие даасан эрчим хүч үйлдвэрлэгч” (Independent Power Producers (IPP))-ийг “Сэргээгдэх эрчим хүчний үүсгүүр барих сонгон шалгаруулалтын журам”-ын дагуу өрсөлдөөнт үнийн саналын үндсэн дээр дуудлага худалдааны зарчим (Аукцион)-аар сонгон шалгаруулахаар төлөвлөж байна.

Та бүхнийг 2026 оны 06 дугаар сарын 18-ны өдөр зохион байгуулагдах дараах нарны цахилгаан станц (НЦС) болон батарей хуримтлуурын систем (БХС)-ийн төслийн аукционд оролцохыг урьж байна. Үүнд:

• Төсөл 1 - Говьсүмбэр аймгийн Сүмбэр сумын “Чойр” дэд станцад холбогдох 50 МВт НЦС болон 30 МВт/100 МВт.ц БХС;
• Төсөл 2 - Булган аймгийн Орхон сумын “Булган” дэд станцад холбогдох 50 МВт НЦС болон 30 МВт/100 МВт.ц БХС;
• Төсөл 3 - Дундговь аймгийн Сайнцагаан сумын “Мандал” дэд станцад холбогдох 50 МВт НЦС болон 30 МВт/100 МВт.ц БХС;
• Төсөл 4 – Өвөрхангай аймгийн Хархорин сумын “Хархорин” дэд станцад холбогдох 50 МВт НЦС болон 30 МВт/100 МВт.ц БХС;
• Төсөл 5 – Хэнтий аймгийн Хэрлэн сумын “Өндөрхаан” дэд станцад холбогдох 20 МВт НЦС болон 15 МВт/40 МВт.ц БХС зэрэг орно.

Аукционд оролцох эрх нь “сонирхлоо илэрхийлэх хүсэлт” ирүүлсэн болон ирүүлээгүй бүх хуулийн этгээдэд нээлттэй байна. Оролцогч нь Булган, Говьсүмбэр, Дундговь, Өвөрхангай, Хэнтий аймагт хэрэгжүүлэх төсөл тус бүрд дэнчин байршуулж оролцох боломжтой бөгөөд зөвхөн нэг аукционд шалгарах эрхтэй.

Дараах үндсэн шаардлагыг хангасан оролцогчид энэхүү аукционд оролцож болно. Үүнд:

1. Гадаадын хуулийн этгээдүүд нь энэхүү аукционд Монгол Улсад бүртгэлтэй хуулийн этгээдтэй түншлэл хэлбэрээр хамтран оролцоно. Түншлэлийн гишүүний төсөлд эзэмших хувь хэмжээ нь 5 хувь болон түүнээс дээш байна.
2.  Түншлэлийн гишүүн тус бүрийн эздийн өмч нь 2024, 2025 оны аль нэг жилийн аудитлагдсан санхүүгийн тайлангаар 5.0 тэрбум төгрөг ба түүнээс дээш байх (Хэнтий аймаг дахь Төсөл 5-ын хувьд 3.0 тэрбум төгрөг ба түүнээс дээш байх).
3. Гадаад улсын төрийн өмчит хуулийн этгээд, гадаад улсын төрийн хяналтад байдаг хуулийн этгээд, эсхүл гадаад улсын Засгийн газар шууд болон шууд бусаар хяналт хэрэгжүүлдэг аливаа этгээд нь төсөлд эзэмших хувь хэмжээний 60 хувиас хэтрэхгүй байх.
4. Түншлэлийн гэрээнд түншлэлийн тэргүүлэгч гишүүнийг тодорхой зааж, түншлэлийн гишүүн тус бүрийн оролцооны хувь хэмжээ, санхүүгийн болон техникийн үүрэг, төслийг хэрэгжүүлэх үе шат бүрт хүлээх үүрэг хариуцлагыг тодорхой тусгасан байх.
5. Түншлэлийн тэргүүлэгч гишүүн нь төслийн нийт хөрөнгө оруулалтын үнийн дүнгийн 50 ба түүнээс дээш хувийг санхүүжүүлэх чадвартай байх.
6. Оролцогчийн 2024, 2025 оны аудитлагдсан санхүүгийн тайлангаар баталгаажсан жилийн дундаж эргэлтийн хөрөнгийн хэмжээ нь төслийн нийт хөрөнгө оруулалтын үнийн дүнгийн 10 хувь ба түүнээс доошгүй байна. Түншлэл хэлбэрээр оролцох тохиолдолд уг шаардлагын 50 ба түүнээс дээш хувийг түншлэлийн тэргүүлэгч гишүүн, харин 25 ба түүнээс дээш хувийг түншлэлийн гишүүн тус бүр дангаар хангасан байх.
7. Оролцогч нь төслийг бүрэн санхүүжүүлэх чадавхитай болохыг нотлох зорилгоор түргэн хөрвөх хөрөнгийн нийт дүнг дараах шалгуур үзүүлэлтийн аль нэгээр эсхүл нийлбэрээр тодорхойлно. Үүнд:
   1. Аукцион зарласан өдрөөс хойш гаргасан оролцогчийн харилцагч банкны дансны үлдэгдэлийн тодорхойлолт;
   2. Аукцион зарласан өдрөөс хойш гаргасан, Арилжааны банкны судлагдсан зээлийн авч болох мөнгөн дүн бүхий зээлийн тодорхойлолт (Харилцагч банкны мэдэгдэл нь зээл олгох асуудлыг судлан үзэх боломжтой гэх мэт банканд бодитой санхүүгийн үүрэг хүлээлгээгүй бол түүнийг Аукцион хянан үзэхэд харгалзан үзэхгүй. Түргэн хөрвөх хөрөнгийн хэмжээг банкны шугаман зээлээр тооцуулах тохиолдолд тус шугаман зээлийн зарцуулалт болон үлдэгдлийг тодорхойлсон банкны тодорхойлолт ирүүлнэ.);
   3. Үнэт цаас, Засгийн газрын бонд болон Үнэт цаасны зах зээлийн тухай хуулийн 5 дугаар зүйлийн 5.1 дэх хэсэгт заасан үнэт цааснууд;
8. Оролцогч нь үндсэн гүйцэтгэгч эсхүл түншлэгчийн хувиар сүүлийн 5 жилийн хугацаанд амжилттай хэрэгжүүлсэн, эсхүл хэрэгжилтийн шатанд хэвийн үргэлжилж буй зураг төсөл боловсруулах-худалдан авах-барих (EPC), барих-өмчлөх-ашиглах (BOO), бие даасан эрчим хүч үйлдвэрлэгч (IPP)-ийн төслийн 1 ба түүнээс дээш гэрээнд оролцсон туршлагатай. Тухайн гэрээ тус бүрт оролцогчийн оролцоо, гүйцэтгэсэн ажлын хувь хэмжээ, эсхүл хүлээсэн үүргийн хувь хэмжээ нь 25 хувиас доошгүй байх.
9. Оролцогч нь төсөл хэрэгжүүлэх санхүүгийн хариуцлагыг нотлох зорилгоор аукционы дэнчинг зохион байгуулагчаас заасан дансанд тогтоосон хугацаанд тодорхой хугацаагаар байршуулна. Аукционы дэнчингийн хэмжээ нь нарны цахилгаан станцын суурилагдсан хүчин чадлын 1 МВт тутамд 5,000.0 ам.доллар (таван мянган ам.доллар) байна. Дэнчинг батарей хуримтлуурын системийн чадал болон багтаамжид тусад нь нэмж тооцохгүй.
10. Оролцогч нь Эрчим хүчний яамны цахим хуудсанд байршуулсан “Сэргээгдэх эрчим хүчний үүсгүүр барих сонгон шалгаруулалтын журам”-тай сайтар танилцаж, уг журам болон аукционы баримт бичигт заасан холбогдох шаардлагыг бүрэн хангасан байна.
11. Хэрэв оролцогч нь “Цахилгаан эрчим хүч худалдах, худалдан авах гэрээ” байгуулахаас татгалзах буюу зайлсхийсэн, зохиомол санал ирүүлсэн эсхүл луйврын шинжтэй үйлдэл гаргасан нь нотлогдсон, мөн авлига, ашиг сонирхлын зөрчил, тохиролцоо хийх, өрсөлдөөнийг хязгаарлах аливаа үйлдэл гаргасан нь тогтоогдсон тохиолдолд тухайн шийдвэр гарсан өдрөөс хойш 2 жилийн хугацаанд аукционд оролцох эрхгүй болно.

Оролцогч нь дээрх журмын 10.2 дахь хэсэгт заасан аукционы мэдээллийг Захиалагчаас авахдаа аукционы төсөл тус бүрд үйлчилгээний хураамж 750,000.0 (Долоон зуун тавин мянган) төгрөгийг “Диспетчерийн үндэсний төв” ХХК-ийн Худалдаа хөгжлийн банкин дахь MN070004000415180494 тоот дансанд тушааж, төлбөр төлсөн баримтыг албан бичигт хавсарган ирүүлнэ. Тус албан бичигт аукционы аль төслийн мэдээллийг хүлээн авах, холбогдох албан тушаалтны нэр, холбоо барих утасны дугаар, цахим шуудангийн хаягийг тодорхой тусгасан байна.

Аукционы урьдчилсан хуваарь

Аукционд бүртгүүлэх оролцогч нь “Сэргээгдэх эрчим хүчний үүсгүүр барих сонгон шалгаруулалтын журам”-ын 10.7 дахь хэсэгт заасан баримт бичгийг бүрдүүлж, мөн журмын 10.5 дахь хэсэгт заасан шаардлагыг хангасан байна.

Бүрдүүлсэн баримт бичгийг 2026 оны 06 дугаар сарын 12-ны өдрийн 17:00 цаг гэхэд (Улаанбаатарын цагаар) багтаан, зөвхөн цахим хэлбэрээр solarauction@energy-gov.mn болон solarauction2026@gmail.com хаягуудад давхар ирүүлнэ. Баримт бичгийг нэгтгэн 10 МБ-аас хэтрэхгүй хэмжээтэй нэг PDF файл хэлбэрээр илгээсэн байна.

Оролцогч нь дээрх шаардлагатай баримт бичгүүдийг бүрэн бүрдүүлж ирүүлээгүй тохиолдолд аукционд оролцогчоор бүртгэхээс татгалзана.

Аукционы мэдээллийг зөвхөн цахим хэлбэрээр олгоно.

Нэмэлт мэдээлэл шаардлагатай тохиолдолд дараах утасны дугаар, цахим шуудангийн хаягаар хандана уу.

Холбоо барих утасны дугаар: 7711-6050, 7711-3010

Имэйл хаяг: solarauction@energy-gov.mn, solarauction2026@gmail.com

ЭРЧИМ ХҮЧНИЙ ЯАМ

INVITATION TO PARTICIPATE IN THE COMPETITIVE SELECTION OF RENEWABLE ENERGY PROJECTS

The Ministry of Energy of Mongolia plans to select, through an auction based on competitive price proposals, the “Independent Power Producers (IPPs)” for projects comprising a total of 220 MW of solar power plants and 135 MW / 440 MWh of battery energy storage systems at five locations in the Central Region Integrated Power System, in accordance with the “Procedure for Competitive Selection for the Construction of Renewable Energy Generation Facilities” (Auction).

You are hereby invited to participate in the auction for the following solar power plant (SPP) and battery energy storage system (BESS) projects to be organized on 18 June 2026. These include:

• Project 1 – 50 MW SPP and 30 MW / 100 MWh BESS to be connected to the “Choir” substation in Sumber soum, Govisumber aimag;
• Project 2 – 50 MW SPP and 30 MW / 100 MWh BESS to be connected to the “Bulgan” substation in Orkhon soum, Bulgan aimag;
• Project 3 – 50 MW SPP and 30 MW / 100 MWh BESS to be connected to the “Mandal” substation in Saintsagaan soum, Dundgovi aimag;
• Project 4 – 50 MW SPP and 30 MW / 100 MWh BESS to be connected to the “Kharkhorin” substation in Kharkhorin soum, Uvurkhangai aimag and
• Project 5 – 20 MW SPP and 15 MW / 40 MWh BESS to be connected to the “Undurkhaan” substation in Kherlen soum, Khentii aimag.

Eligibility to participate in the auction is open to all legal entities that are both have submitted and have not submitted an “Expression of Interest.” A participant may participate by submitting a bid bond for each project to be implemented in Bulgan, Govisumber, Dundgovi, Uvurkhangai, and Khentii aimags; however, a participant will be awarded only one auction.

Participants that meet the following basic requirements may participate in these auctions:

1. Foreign legal entities shall participate in this auction as a consortium with a legal entity registered in Mongolia. Each consortium member shall hold not less than 5 percent ownership interest in the Project.
2. The equity of each consortium member, as evidenced by the audited financial statements for either 2024 or 2025, shall be no less than 5.0 billion tugrugs (for Khentii Project No.5, no less than 3.0 billion tugrugs).
3. A foreign state-owned legal entity, a legal entity controlled by a foreign state, or any entity directly or indirectly controlled by a foreign government shall not hold more than 60 percent of the ownership interest in the project.
4. The consortium agreement shall clearly designate the lead member and specify the participation share of each consortium member, their financial and technical responsibilities, and the duties and liabilities to be borne at each stage of project implementation.
5. The lead consortium member shall be capable of financing 50 percent or more of the total project investment value.
6. The Participant’s average annual working capital, as confirmed by its financial statements audited for 2024 and 2025, shall be no less than 10 percent of the total project investment value. In the case of a consortium, at least 50 percent of this requirement shall be met by the lead member, while at least 25 percent shall be met individually by each consortium member.
7. To demonstrate its capacity to fully finance the project, the Participant shall establish the total amount of liquid assets by one or a combination of the following criteria:

1. A certificate of the participant’s bank account balance issued by its servicing bank after the date of announcement of the auction;
2. A credit reference issued after the date of announcement of the auction, stating the loan amount available from a commercial bank (if the bank’s statement merely indicates that the possibility of granting a loan may be studied, or otherwise does not create a real financial obligation on the bank, it will not be taken into account in the auction evaluation. Where a revolving credit line is counted as liquid assets, the participant shall submit a bank certificate specifying the utilization and remaining balance of such credit line);
3. Securities, government bonds, and securities specified in Article 5.1 of the Law on the Securities Market;
   8. The Participant shall have experience, as a prime contractor or consortium partner, in at least one successfully completed contract within the last five years, or one ongoing contract under normal implementation, for engineering-procurement-construction (EPC), build-own-operate (BOO), or independent power producer (IPP) project. For each such contract, the participant’s share of participation, share of work performed, or share of obligations undertaken shall be no less than 25 percent.
   9. To demonstrate financial responsibility for project implementation, the Participant shall place the auction bid bond in the account designated by the organizer for a specified period within the prescribed deadline. The bid bond amount shall be USD 5,000 (five thousand United States dollars) per 1 MW of installed solar power plant capacity. No additional bid bond shall be calculated separately for the capacity and energy storage of the battery energy storage system.
   10. The Participant shall carefully review the “Procedure for Competitive Selection for the Construction of Renewable Energy Generation Facilities” published on the website of the Ministry of Energy and shall fully comply with all applicable requirements set forth in such Procedure and the auction documents.
   11. The Participant shall be disqualified from participating in auctions for a period of two years from the date of the relevant decision if it refuses or evades the execution of the “Power Purchase Agreement”, submits a sham bid, is proven to have engaged in fraudulent conduct, or is found to have committed corruption, a conflict of interest, collusion, or any act restricting competition.

When obtaining the auction information specified in Clause 10.2 of the above Procedure from the Procuring Entity, the participant shall pay a service fee of MNT 750,000.0 (seven hundred and fifty thousand tugrugs) for each auction project to the account No. MN070004000415180494 at the Trade and Development Bank of the ‘National Dispatching Center’ LLC, and shall submit an official letter attaching proof of payment. Such official letter shall clearly specify for which auction project the information is requested, as well as the name, contact telephone number, and email address of the relevant contact person.

Tentative Auction Schedule

A participant registering for the auction shall compile the documents specified in Clause 10.7 of the “Procedure for Competitive Selection for the Construction of Renewable Energy Generation Facilities” and meet the requirements specified in Clause 10.5 of such Procedure.

The compiled documents shall be submitted no later than 17:00 (Ulaanbaatar time) on 12 June 2026, in electronic form only, to both solarauction@energy-gov.mn and solarauction2026@gmail.com. The documents shall be consolidated into a single PDF file not exceeding 10 MB.

Applicants whose required document package is incomplete shall not be registered to participate in the auction

The auction information shall be provided in electronic form only.

For additional information, please contact the following telephone numbers and email addresses.

Contact telephone numbers: 7711-6050, 7711-3010

Email addresses: solarauction@energy-gov.mn; solarauction2026@gmail.com

Ministry of Energy