ЭРЧИМ ХҮЧНИЙ САЛБАРЫН ТӨРИЙН ӨМЧИТ КОМПАНИУДЫН ТӨЛӨӨЛӨН УДИРДАХ ЗӨВЛӨЛИЙН

ХАРААТ БУС ГИШҮҮНИЙГ СОНГОН ШАЛГАРУУЛАХ ЗАР

Эрчим хүчний салбарын төрийн өмчит компаниудын Төлөөлөн удирдах зөвлөлийн хараат бус гишүүний сонгон шалгаруулалтыг зарлаж байна.

Хараат бус гишүүнд нэр дэвшигчид тавигдах шаардлага:

1.Тухайн хуулийн этгээдийн төлөөлөн удирдах зөвлөлийн гишүүний үүргийг гүйцэтгэхэд шаардагдах ур чадвар, мэдлэг боловсрол, ажлын туршлагатай байх;

2.Тухайн хуулийн этгээдийн төлөөлөн удирдах зөвлөлийн гишүүн байхад ашиг сонирхлын зөрчил үүсэхгүй байх;

3.Нэр дэвшигч нь өөрөө, эсхүл нэгдмэл сонирхолтой этгээдтэй хамтран компанийн энгийн хувьцааны таваас дээш хувийг эзэмшдэггүй;

4.Төрийн үйлчилгээнийхээс бусад төрийн алба хашдаггүй;

5.Сүүлийн дөрвөн жил улс төрийн намын ажилтан, сонгуульт удирдах албан тушаал хашиж байгаагүй, эсхүл улс төрийн албан хаагчаар ажиллаж байгаагүй;

6.Өөрөө, эсхүл эхнэр, нөхөр, эцэг, эх, хүүхэд, төрсөн ах, эгч, дүү болон тэдгээртэй нэгдмэл сонирхолтой этгээд нь сүүлийн 3 жилийн хугацаанд тухайн компанид, эсхүл түүний хараат болон охин компанид эрх бүхий албан тушаал эрхэлж байгаагүй байх;

7.Компанитай аливаа бизнесийн холбоогүй;

8.Компанийн засаглалын сургалтад хамрагдсан, компанийн засаглалаар мэргэшсэн байх;

9. Цахилгаан, эрчим хүч /0713/, эсхүл санхүү /0412/, эдийн засаг /0311/, нягтлан бодох бүртгэл /0411/, эрх зүйч мэргэжилтэй /0421/ байх.

Бүрдүүлэх материал:

1.Сонгон шалгаруулалтад оролцох хүсэлт; /Аль компанийн Төлөөлөн удирдах зөвлөлд нэр дэвшиж буйг хүсэлтэд тодорхой тусгах/;

2.Анкет /Төрийн албан хаагчийн анкетыг бүрэн зөв бөглөх, 4х6 хэмжээтэй зураг заавал наасан байх/;

3.2024, 2025 онуудын Нийгмийн даатгалын шимтгэл төлөлтийн лавлагаа; /e-mongolia/

4.Иргэний эрүүгийн хариуцлага хүлээж байгаа эсэх тухай тодорхойлолт; /e-mongolia/ 

5.Боловсролын дипломын хуулбар;

6.Иргэний үнэмлэхний хуулбар эсхүл лавлагаа; /e-mongolia/

7.Компанийн засаглалын гэрчилгээний хуулбар;

Сонгон шалгаруулалтын материал хүлээн авах хугацаа, газар:

Сонгон шалгаруулалтад оролцох нэр дэвшигчдийн материалыг 2026 оны 04 дүгээр сарын 21-ний өдрийн 10.00 цаг хүртэл Эрчим хүчний яам /Засгийн газрын XIV байр/-ны Гэрээ, эрх зүйн газрын Хуулийн асуудал хариуцсан ахлах мэргэжилтэн Б.Урангоо /51267069/ хүлээн авна.

Анхаарах зүйлс:

1.Материалыг битүүмжилсэн байх ба дугтуйн гадна талд нэр дэвшиж байгаа компанийн нэр, сонгон шалгаруулалтад оролцогч иргэний оршин суух хаяг, холбоо барих утасны дугаар зэргийг гаргацтай бичих;

2.Материалыг сонгон шалгаруулалтын дараа буцаан олгохгүй.

3.Хугацаа хоцорсон материалыг хүлээн авахаас татгалзана.

4.Материалын бүрдэл дутуу тохиолдолд сонгон шалгаруулалтаас хасна.

5.Сонгон шалгаруулалтад оролцох хүсэлтээ 2 хүртэлх компанид тус тусад нь гаргаж болно.

Нэмэлт мэдээллийг Эрчим хүчний яамны Гэрээ, эрх зүйн газрын Хуулийн асуудал хариуцсан ахлах мэргэжилтэн (Б.Урангоо)-ээс авна уу. Холбоо барих дугаар 51-267069.

Хавсралт

 

ЭРЧИМ ХҮЧНИЙ САЛБАРЫН ТӨРИЙН ӨМЧИТ

КОМПАНИУДЫН ТӨЛӨӨЛӨН УДИРДАХ ЗӨВЛӨЛ  

 

1.	“Дулааны цахилгаан станц-2” ТӨХК “Дулааны цахилгаан станц-3” ТӨХК	Төлөөлөн удирдах зөвлөл Хараат бус-3
2.	“Дулааны цахилгаан станц-4” ТӨХК “Амгалан дулааны станц” ТӨХК	Төлөөлөн удирдах зөвлөл Хараат бус-3
3.	“Эрдэнэт-Булганы цахилгаан түгээх сүлжээ” ТӨХК “Эрдэнэтийн дулааны цахилгаан станц” ТӨХК	Төлөөлөн удирдах зөвлөл Хараат бус-3
4.	“Өмнөд бүсийн цахилгаан түгээх сүлжээ” ТӨХК “Даланзадгадын дулааны цахилгаан станц” ТӨХК	Төлөөлөн удирдах зөвлөл Хараат бус-3
5.	“Багануур Зүүн өмнөд бүсийн цахилгаан түгээх сүлжээ” ТӨХК “Багануурын дулааны станц” ТӨХК “Налайхын дулааны станц” ТӨХК	Төлөөлөн удирдах зөвлөл Хараат бус-3
6.	“Баруун бүсийн цахилгаан түгээх сүлжээ” ТӨХК	Төлөөлөн удирдах зөвлөл Хараат бус-3
7.	“Алтай-Улиастайн цахилгаан түгээх сүлжээ” ТӨХК “Тайшир-Ногоон эрчим” ТӨХК	Төлөөлөн удирдах зөвлөл Хараат бус-3
8.	“Улаанбаатар цахилгаан түгээх сүлжээ” ТӨХК	Төлөөлөн удирдах зөвлөл Хараат бус-3
9.	“Улаанбаатар дулааны сүлжээ” ТӨХК	Төлөөлөн удирдах зөвлөл Хараат бус-3
10.	“Цахилгаан дамжуулах үндэсний сүлжээ” ТӨХК “Диспетчерийн үндэсний төв” ТӨХХК	Төлөөлөн удирдах зөвлөл Хараат бус-3
11.	“Дорнод бүсийн эрчим хүчний систем” ТӨХК	Төлөөлөн удирдах зөвлөл Хараат бус-3
12.	“Эрчим хүчний үндэсний төв” ТӨХХК	Төлөөлөн удирдах зөвлөл Хараат бус-3
13.	“Хөвсгөлийн дулааны станц” ТӨХК “Ховдын дулааны станц” ТӨХК “Улаангомын дулааны цахилгаан станц-2” ТӨХК	Төлөөлөн удирдах зөвлөл Хараат бус-3
14.	“Дарханы дулааны цахилгаан станц” ТӨХК “Дарханы дулааны сүлжээ” ТӨХК “Дулаан шарын гол” ТӨХК	Төлөөлөн удирдах зөвлөл Хараат бус-3
15.	“Тавантолгой дулааны цахилгаан станц” ТӨХХК	Төлөөлөн удирдах зөвлөл Хараат бус-3

 

 

ЭРЧИМ ХҮЧНИЙ ЯАМ