СОНГОН ШАЛГАРУУЛАЛТЫН ЗАР

“Алтай-Улиастайн цахилгаан түгээх сүлжээ” ТӨХК-ийн гүйцэтгэх захирлын ажлын байранд нээлттэй сонгон шалгаруулалт зарлаж байна.

Тавигдах шаардлага:

• Эрчим хүчний инженер (0713 цахилгаан, эрчим хүч), эсхүл менежмент ба удирдахуй (0413) чиглэлээр дээд боловсрол эзэмшсэн байх, тухайн мэргэжлээрээ 10-аас доошгүй жил ажилласан байх, түүнээс 5-аас доошгүй жил удирдах албан тушаалд ажилласан туршлагатай байх;
• Зээл буюу батлан даалтын гэрээгээр хүлээсэн хугацаа хэтэрсэн аливаа өргүй байх;
• Ял шийтгэлгүй байх;
• Ёс зүйн болон бизнесийн нэр хүнд нь компанийг удирдахад харшлахгүй байх;

Бүрдүүлэх материал:

1. Сонгон шалгаруулалтад оролцох хүсэлт;
2. Анкет /Төрийн албан хаагчийн анкетыг бүрэн зөв бөглөх, 4х6 хэмжээтэй зураг заавал наасан байх/;
3. Ажил байдлын тодорхойлолт;
4. Нийгмийн даатгалын дэвтрийн хуулбар /e-mongolia лавлагаа/;
5. Иргэний эрүүгийн хариуцлага хүлээж байсан эсэх тухай тодорхойлолт /e-mongolia лавлагаа/;
6. Боловсролын диплом, үнэмлэх, бусад сургалт семинарт хамрагдсан гэрчилгээ, сертификатын хуулбар;
7. Иргэний үнэмлэхийн хуулбар.

Сонгон шалгаруулалтын материал хүлээн авах хугацаа, газар:

Сонгон шалгаруулалтад оролцох нэр дэвшигчдийн материалыг 2025 оны 12  дугаар сарын 09-ний өдрийн 12:00 цаг хүртэл Эрчим хүчний яам /Засгийн газрын XIV байр/-ны 4 давхар 412 тоот, компанийн Төлөөлөн удирдах зөвлөлийн Нэр дэвшүүлэх хороо хүлээн авна. Холбогдох утас: 51-263040

ТЕСТ БОЛОН ЯРИЛЦЛАГЫН шалгалт:

Эрчим хүчний яамны хурлын танхимд 2025 оны 12 дугаар сарын 11-ний өдрийн 14:00 цагт нэр дэвшигчээс тестийн шалгалт болон дараах агуулгын хүрээнд ярилцлага авна. Үүнд:

1. Удирдан зохион байгуулах чадвар;
2. Манлайлах чадвар;
3. Багаар ажиллах чадвар.

Анхаарах зүйлс:

1. Материалыг битүүмжилсэн байх ба дугтуйн гадна талд сонгон шалгаруулалтад оролцогч иргэний оршин суух хаяг, холбоо барих утасны дугаарыг гаргацтай бичих;
2. Материалыг сонгон шалгаруулалтын дараа буцаан олгохгүй;
3. Хугацаа хоцорсон материалыг хүлээн авахаас татгалзана;
4. Материалын бүрдэл дутуу тохиолдолд сонгон шалгаруулалтаас хасна.

“Алтай-Улиастайн цахилгаан түгээх сүлжээ” ТӨХК-ийн

Төлөөлөн удирдах зөвлөл

2025 оны 12 дугаар сарын 02-ний өдөр