2013 оны эхний 3 сарын дүнгээр Төвийн бүсийн цахилгаан дамжуулалт, түгээлтийн алдагдал өмнөх оны мөн үеэс 1.0 нэгжээр буурч 18.1% болсон байна.

Төвийн бүсийн 6 томоохон компанийн хэмжээнд өмнөх оны мөн үетэй харьцуулахад 54.2 сая кВтц буюу 5.1%-иар илүү ЦЭХ-ийг хэрэглэгчдэд түгээсэн байна. “УБЦТС” ТӨХК-ийн худалдан авсан цахилгааны хэмжээ өмнөх оны мөн үеэс 59.9 сая кВтц- аар буюу 10.0%-ийн өсөлттэй байна.

“Цахилгаан дамжуулах үндэсний сүлжээ” ТӨХК өмнөх оны мөн үетэй харьцуулахад дамжуулалтын алдагдлыг 0.12 нэгжээр нэмэгдүүлжээ.

Цахилгаан түгээлтийн алдагдлыг өнгөрсөн оны мөн үеэс “Улаанбаатарын цахилгаан түгээх сүлжээ” ТӨХК 2.87 нэгжээр, “Дархан Сэлэнгийн цахилгаан түгээх сүлжээ” ТӨХК 0.54 нэгжээр тус тус бууруулсан, харин “Багануур Зүүн өмнөд бүсийн цахилгаан түгээх сүлжээ” ТӨХК 1.51 нэгжээр, “Баянхонгор-Эрчим хүч” ХХК 4.79 нэгжээр, “Хөвсгөл-Эрчим хүч” ХХК 0.72 нэгжээр тус тус нэмэгдүүлсэн байна.

Энэ оныг эрчим хүчний салбарт хэмнэлт, үр ашгийн жил болгон зарласантай холбогдуулан цахилгаан дамжуулалт, түгээлтийн алдагдлаа хэтрүүлсэн компаниуд техник технологийн болон удирдлага, зохион байгуулалтын тодорхой ажил, арга хэмжээнүүдийг хэрэгжүүлэх шаардлагатай байна.

Мэдээний төрөл: Статистик мэдээлэл