БНХАУ-аас Монгол Улсын Засгийн газарт олгож буй хөнгөлөлттэй зээлийн хөрөнгөөр Эрчим хүчний яамнаас хэрэгжүүлж байгаа “Эрдэнэбүрэнгийн усан цахилгаан станц барих төсөл”-ийн Гэрээ хэлцэл, байгаль орчин, нийгмийн харилцааны асуудал хариуцсан инженерийн ажлын байранд ажилтан сонгон шалгаруулах нээлттэй сонгон шалгаруулалт зарлаж байна.

Тавигдах шаардлага:

• Байгаль орчин, хууль, эрх зүйн чиглэлээр их дээд сургууль төгссөн бакалавр болон түүнээс дээш зэрэгтэй байх;
• Байгаль орчны инженер эсвэл хуульч, эрх зүйч мэргэжлээрээ 10-аас доошгүй жил ажилласан туршлагатай байх;
• Эрчим хүчний болон дэд бүтцийн салбарын талаар тодорхой мэдлэгтэй байх;
• Англи хэлний бичгийн болон ярианы өндөр чадвартай байх; /IELTS, TOEFL оноотой, эсвэл Англи хэлний орчуулагчаар их дээд сургууль төгссөн бол давуу тал болно/;
• Баримт бичиг боловсруулах өндөр ур чадвартай байх;
• Олон улсын байгууллагуудтай нягт хамтран ажиллаж гэрээ хэлцэл байгуулах чадвартай байх;
• Багаар ажиллах, удирдан зохион байгуулах чадвартай байх;
• Илүү цагаар ажиллах, ажлын ачаалал даах чадвартай байх.

Ажилд орохыг сонирхогчид дараах материалыг бүрдүүлж өгнө үү.

1. Сонгон шалгаруулалтад оролцох хүсэлт;
2. Төрийн албан хаагчийн анкет;
3. Товч намтар;
4. Иргэний үнэмлэхний хуулбар;
5. Мэргэжлийн үнэмлэх, дипломын нотариатаар баталгаажуулсан хуулбар;
6. Гадаад хэлний мэдлэгийг нотлох бичиг баримтыг хавсаргах;
7. Ажлын туршлагын талаарх мэдээлэл. /Нийгмийн даатгал, шимтгэл төлөлтийн лавлагааг хавсаргах/;
8. Ажил байдлын тодорхойлолт /ажил эрхэлдэг иргэн байгууллагаасаа тодорхойлолт авах, ажил эрхэлдэггүй иргэн өөрийн хийж гүйцэтгэсэн ажлын талаарх мэдээлэл/.

Дээрх материалуудыг 2021 оны 05 дугаар сарын 25-ны өдрийн 16:00 цаг хүртэл дараах хаягаар хүлээн авна.

Хаяг: Эрчим хүчний яам,

Засгийн газрын 14-р байр

1 дүгээр давхар, 100 тоот өрөө

Утас: 51-267072, 99082770, факс:70043479

Мэдээний төрөл: Мэдээ мэдээлэл