Төслийн зорилго:

Тавантолгой дулааны цахилгаан станц төслийг хугацаанд нь чанартай, бүрэн хэрэгжүүлж, түлхүүр гардуулах нөхцөлөөр станцыг барьж ашиглалтанд оруулснаар Өмнийн бүсийн уул уурхайн болон Оюутолгой төслийн эрчим хүчний хэрэгцээг найдвартай бүрэн хангахад оршино.

Төслийн нийгэм, эдийн засгийн үр өгөөж:

Уг станц ашиглалтад орсноор жил бүр Улс болон орон нутгийн төсөвт 34.5 сая ам.долларын татвар хураамжийг төвлөрүүлж, говийн бүсийн стратегийн орд газруудыг эдийн засгийн эргэлтэд оруулж, Тавантолгой нүүрсний бүлэг ордуудын өсөн нэмэгдэх хэрэглээг хангах, мөн Оюутолгой ХХК-н уурхайн хэрэглээ болох 2.2 тэрбум кВт.ц эрчим хүчийг тус станцаас хангаснаар гадагшаа урсаж буй120 сая ам.долларыг дотооддоо үлдээх зэрэг ач холбогдолтой. Тус станцаас ялгарах хийн хэмжээ нь Монгол Улсын MNS6298:2011 стандартыг хангасан, агаар бохирдуулагч бодисын хэмжээ, усны хэрэглээ нь хамгийн бага байхаар төлөвлөгдсөн, агаарын хөргөлттэй конденсатор, орчин үеийн удирдлага мэдээллийн систем бүхий бүрэн автоматчилагдсан байх юм.

 Барилга угсралтын явцад давхардсан тооогоор 2000 ажилчид, ашиглалтад орсноор 300 байнгын ажлын байр шинээр бий болно.  

Төсөл хэрэгжүүлэгчийн байршил, хаяг, холбоо барих утас, вэб сайт:

Хаяг:Монгол Улс, Улаанбаатар-13312, Их Монгол Улс гудамж, Баянзүрх дүүрэг, 26-р хороо, Сакура тауэр 902 тоот, info@tttpp.mn

Утас:+976-7811 0001, +976-7811 0003,

Мэдээний төрөл: Төсөл хөтөлбөрүүд